Po vazhdojnë punimet në infrastrukturën rrugore dhe në rrjetin e kanalizimit në lagjet e Skenderajt

06/09/2017 Institucionet

Në kuadër të investimeve në përmirësimin e përgjithshëm të infrastrukturës së lagjeve të Skenderajt, po vazhdojnë punimet në kubëzimin e rrugëve në Lagjen 2 dhe 3 të qytetit. Komuna e Skenderajt po investon në kubëzimin e rrugës “Bekim Berisha” në Lagjen 2, si dhe në rrjetin problematik të kanalizimit fekal në këtë rrugë të qytetit. Gjithashtu është duke u punuar intensivisht edhe në kubëzimin e një rruge tjetër në Lagjen 3, bashkë me intervenimet në rrjetin e kanalizimit fekal. Për të inspektuar punimet që po zhvillohen në këto dy projekte, Nënkryetari i Komunës së Skenderajt Fadil Nura ka qëndruar në të dy lagjet e Skenderajt. Ai me këtë rast ka kërkuar nga punëkryresit punë efikase në zgjidhjen e problemeve të banorëve, duke i siguruar ata se punimet do të përfundojnë shumë shpejt dhe do të zgjidhen përfundimisht problemet e tyre sa i përket rrugëve dhe kanalizimeve.

Komuna e Skenderajt po vazhdon me investime të rëndësishme në tërë territorin e saj me qëllim të përmirësimit dhe ndërtimit të infrastrukturës duke përfshirë rrugë të lagjeve, kanalizime dhe ujësjellës. Investimet janë duke u bërë si rezultat i kërkesave të banorëve të fshatrave dhe lagjeve të Skenderajt.

Kontrolloni gjithashtu

Kryetari Smajl Latifi vizitoi QKMF “DR. Fahredin Hoti”

Qendrën Kryesore të Mjekësisë Familjare (QKMF) “Dr. Fahredin Hoti”, së bashku me Drejtorin e Drejtorisë …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2026, Të gjitha të drejtat e rezervuara