Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryesia e Kuvendit të Kosovës, gjatë takimit të sotëm ka bërë ndarjen e komisioneve parlamentare të cilat do t’i udhëheqin grupet parlamentare të përfaqësuara në Kuvend. Lëvizja Vetëvendosje! do ta drejtojë Komisionin parlamentar për Legjislacion, atë për Arsim, Komisionin për Punë dhe Mirëqenie Sociale si dhe atë për mbikëqyrjen e AKI-së. Ndërsa LDK-ja, do ta drejtojë Komisionin për Buxhet dhe Financa, atë për Punë të Jashtme dhe Komisionin për Mbikëqyrjen e Financave Publike Më tutje, Partia Demokratike e Kosovës, do ta drejtojë Komisionin e Zhvillimit Ekonomik dhe atë për Administratë Publike dhe Komisionin për Integrime Evropiane, ndërsa Aleanca për Ardhmërinë e Kosovës do ta drejtojë Komisionin për Bujqësi. Nismës për Kosovën i është besuar drejtimi i Komisionit për Siguri. Lista Serbe do ta drejtojë Komisionin për Komunitete, ndërsa grupi parlamentar 6+, Komisionin për Drejtësi.
