Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Gjatë muajit të fundit mbi gjysmë milioni pjesëtarë të komunitetit mysliman Rohinga në Mijanmar janë detyruar të arratisen nga vendi në një fushatë dhune qeveritare, e cila është cilësuar si një spastrim etnik nga OKB. Sekretari i Përgjithshëm, Antonio Guterres i tha Këshillit se shpërthimi i fundit i dhunës është shndërruar në krizën e refugjatëve të krijuar me shpejt në botë, ‘një makth humanitar dhe i të drejtave të njeriut’, siç e cilësoi ai. “Kemi marrë informacione drithëruese nga të arratisurit që janë kryesisht gra, fëmijë e të moshuar. Dëshmitë e tyre hedhin dritë mbi dhunën dhe shkeljen e të drejtave të njeriut, përdorimin e armëve, praninë e minave dhe dhunën seksuale. Kjo është e papranueshme e duhet të përfundojë sa më shpejt, tha Guterres. Qeveria budiste në Mijanmar është e trimëruar me sulmin masiv, ndërsa shfarosjen e dëbimin e myslimanëve e konsideron si luftë në kuadër të koalicionint botëror kundër “terrorizmit mysliman”. Autoritetet në Mijanmar dhe kryetarja që ka fituar çmimin nobel për paqe, nuk kanë lejuar ekipet e OKB-së për të hyrë në vend dhe për të parë nga afër gjenocidin fashist po ndodh me milionë myslimanët e Mijanmarit.
