Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Prindërit e Astrit Deharit, Avniu dhe Xhemileja, kanë kërkuar edhe një herë tjetër që rasti të hetohet nga Instituti Zviceran për Mjekësi Ligjore, duke nënvizuar se përfundimet e tyre juridikisht do të jenë të pranueshme për ta. Avni Dehari ka thënë se kanë bërë kërkesë që kjo të bëhet, pranë zyrës së kryeministrit Ramush Haradinaj, ndërsa Xhemilja ka deklaruar se janë misterioze zhvillimet pas vdekjes së dy bijëve të saj. “Ne kemi kërkuar që ekspertiza të bëhet nga ekspertë zviceranë, por ajo kërkesë na është refuzuar nga qeveria e kaluar. Kërkesën e kemi bërë sërish, pranë qeverisë aktuale, dhe presim që ajo të pranohet dhe të zbardhet rasti. Përfundimet që do t’i sjellë hetimi nga instituti zviceran juridikisht ne do t’i pranojmë, ka saktësuar Avni Dehari, i cili beson se Qeveria Haradinaj do ta ndihmojë procesin.
