Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Britania e Madhe do ta përkrah Kosovën në procesin e saj integrues në Bashkimin Evropian (BE), pavarësisht përcaktimit dhe vendimit të autoriteteve britanike për ta braktisur BE-në. Ministri britanik për Evropë dhe Amerikë, Alan Duncan, është pritur sot në takime të ndara nga udhëheqësit e lartë të Kosovës, përkatësisht nga presidenti Hashim Thaçi dhe kryeministri Ramush Haradinaj. Duncani ka theksuar se po realizon këtë turne diplomatike në kohën kur Britania e Madhe po del nga Bashkimi Evropian. Por, ai tha se largimi nga BE-ja nuk e mban Britaninë e Madhe larg bashkëpunimit global. “Ne po largohemi nga Bashkimi Evropian, por nuk po e braktisim Evropën dhe nuk po braktisim botën”, ka thënë ai.
Sipas Duncanit, Mbretëria e Bashkuar mbetet ajo që ishte, me ndikim global dhe e angazhuar që të përfshihet në të gjitha marrëveshjet globale tregtare dhe marrëveshjet tjera të bashkëpunimit në nivel botëror. Ndërkohë, kryeministri Ramush Haradinaj, ka thënë se Kosova dhe Mbretëria e Bashkuar kanë dimensione të reja të bashkëpunimit dhe marrëdhënieve reciproke, duke e falënderuar ministrin britanik për mbështetjen që Londra i jep shtetit të Kosovës.
