Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ante Kotromanoviq, ministri kroat i Mbrojtjes në Qeverinë
teknike, ka deklaruar se zyrtarë serbë që po e dramatizojnë përforcimin e
kapaciteteve mbrojtëse të Kroacisë, qëllimet e tyre të vërteta paqësore kanë
pasur rastin t’i tregojnë gjatë luftërave të viteve 1990-ta, dhe për këtë arsye
tani s’kanë të drejtë që askujt t’i mbajnë leksione. Ai ka thënë se ata kanë
qenë kampionë të luftës në rajonet e ish- Jugosllavisë transmeton shkrim i
HINA-s “Vuçiq, Nikoliq dhe Daçiq
kanë qenë kampionë në udhëheqjen e katër luftërave në ish – Jugosllavi. Ata
kanë mundur të pengojnë humbjen e dhjetëra mijëra jetëve vetëm po të kishin
pasur politikë paqësore para njëzet vjetësh” , ka thënë Kotromanoviq, duke
shtuar se në Beograd “mund të jenë të lumtur vetëm pse ai nuk do të jetë
ministër i Mbrojtjes i Kroacisë”. Ai ka theksuar se çdokush ka të drejtë
në mbrojtje dhe Kroacia si anëtare e NATO-s dhe BE-së nuk ka kurrfarë
pretendimesh pushtuese dhe ka shtuar se dihet se në të kaluarën nga Beogradi
divizionet kanë shkruar drejt Kroacisë dhe Bosnjë e Hercegovinës. “Më vjen
mirë Serbia u zbulua krejtësisht. Ajo mendon se do të hyjë në BE duke
bashkëpunuar me Rusinë. Vështirë!”, ka thënë Kotromanoviq. Edhe gjatë luftës në
Kosovë, Vuçiq, Nikoliq dhe, kanë qenë pjesë e institucioneve të regjimit të
Milosheviqit në Serbi. Krimet e Serbisë në Kosovë ende nuk janë zbardhur.
