Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Zërave të ministrave dhe zyrtarëve të tjerë të qeverisë së Kosovës që thonë se nuk janë konsultuar nga Qeveria shqiptare për taksën në Rrugën e Kombit iu bashkua edhe Ramush Haradinaj. Kryeministri i Kosovës nuk përjashtoi mundësinë që nëse do të kërkohej, Prishtina mund të kontribuonte nga buxheti i saj për mirëmbajtjen e kësaj rruge. Haradinaj deklaron se nuk është kundër tarifës, por këmbëngul se ajo e vendosur është e lartë. Kjo taksë mund të dëmtojë marrëdhëniet mes dy vendeve, sidomos tregtinë dhe turizmin. I pyetur, nëse Kosova po mendon vendosjen e një takse në pjesën tjetër të rrugës, Haradinaj është përgjigjur se një gjë e tillë nuk do të ndodhë në mandatin e tij si kryeministër, por mund të ndodhë në të ardhmen.
