Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Shefi i të ashtuquajturës Zyrë për Kosovën në Qeverinë e
Serbisë, Marko Gjuriq ka bërë thirrje që serbët të shfrytëzojnë krizën politike
në Kosovë, për të fuqizuar praninë e tyre. Politikanët shqiptarë, sipas tij, po
i bëjnë të njëjtat gabime si ato të politikanëve serbë, pasi që kishin humbur
Kosovën. “Ky fakt në të vërtet nuk na bënë krenar, por një kaos i tillë çfarë
po mbizotëron në Kosovë me përkushtimin tonë për të punuar për fuqizimin e
popullit tonë, dhe duke fituar përkrahjen e bashkësisë ndërkombëtare, mendoj se
në të ardhmen do të krijojë shumë hapësirë që të jemi edhe më të fortë në
Kosovë sesa kemi qenë”, është shprehur Gjuriq. Shefi i Zyrës për Kosovën e ka përmbyllur
prononcimin e tij, duke thënë se beteja për Kosovën nuk do të përfundojë
asnjëherë dhe se “koha e serbëve do të arrijë përsëri”.
