Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në një reagim të Rrjetit të Grave thuhet se kryetari i Kosovës, Hashim Thaçi shfrytëzoi të drejtën për falje nga vuajtja e dënimit me burg e drejtë kjo në përputhje me Kushtetutën e Republikës së Kosovës dhe me Ligjin për Falje. Por në mesin e të falurve, Presidenti ka amnistuar edhe një të njohur, dhëndrin e axhës së tij, i cili në vitin 2008 kishte kryer 2 vrasje. Në mesin e të vrarëve ishte vajza e tij 15 vjeçe dhe kushëriri i tyre i moshës 21 vjeç. Rrjeti i Grave të Kosovës beson në dhënien e mundësive të secilit individ që të përparojë, të rehabilitohet dhe të marrë trajtimin e duhur, në përputhje me ligjet në vend. RrGK e konsideron pozitiv faktin që qytetarëve dhe qytetareve që kanë kryer ndonjë vepër penale, tu jepet mundësia e faljes nga mbajtja e dënimit të burgut, ashtu siç parasheh Kushtetuta dhe Ligji për Faljen. Mirëpo, edhe në këto raste, duhet të jemi të vëmendshëm se cilat raste po i falim, dhe çfarë mesazhi po i dërgojmë shoqërisë me këto falje. Rrjeti i Grave konsideron se falja e ushtruar si e drejtë nga ana e tij nuk ka respektuar institucionin e faljes si institucion i përkufizuar sipas ligjeve të Kosovës.
