Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Serbët në veri po vazhdojnë me
inskenime të trasha, të cilat vuajnë nga mungesa e kreativitetit megjithë përpjekjen
e sforcuar për imagjinatë. Kështu, persona të panjohur kanë shkruar grafite me
mbishkrimin ISIS në muret e hidrocentralit ‘Ibër-Lepenc’ në Zubin Potok. Kjo ka
bërë që komuna e udhëhequr nga Lista Srpska, të dalë me një reagim publik për
gjoja shqetësimin e banorëve. “Udhëheqja e komunës së Zubin
Potokut ka apeluar nga të bashkësia ndërkombëtare dhe tek organet e rendit që
këtyre veprimeve t’iu jepet fund. Qytetarët e Zubin Potokut e meritojnë paqen,
stabilitetin dhe prosperitetin e këto akte që shkaktojnë frikë nuk bën të
ndodhin jo vetëm te ne, por askund në botë”, thuhet në komunikatën e komunës së
Zubin Potokut. Duhet të përkujtohet se strukturat paralale serbe, para pak kohësh
kishin bërë një inskenim të ngjashëm. Në shtëpitë e banorëve serbë në lagjet
veriore të Mitrovicës ishin shënuar grafite të ngjashme për Shtetin Islamik.
