Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Komandanti i Forcës së Sigurisë së Kosovës, gjenerallejtënant Rrahman Rama me bashkëpunëtorë po qëndron për një vizitë zyrtare në Ankara, të Republikës së Turqisë. Komandanti i FSK-së, gjenerallejtënant Rrahman Rama u prit nga Komandanti i Forcave të Armatosura të Republikës së Turqisë, gjeneralin Hulusi Akan. Gjatë takimit në mes tyre u bisedua për të arriturat e Forcës së Sigurisë së Kosovës, zhvillimin dhe profesionalizimin e saj e në veçanti u fokusua mbi realizmin e aktiviteteve që dalin nga Marrëveshja bilaterale e bashkëpunimit në mes të Ministrisë së FSK-së dhe Ministrisë së Mbrojtjes së Turqisë. Më tej gjeneral Rama e falënderoi gjeneralin turk për krijimin e mundësive që aktivitetet e parapara mbi bazën e planit të bashkëpunimit të realizohen me sukses. Komandanti i Forcave të Armatosura të Republikës së Turqisë, gjenerali turk Hulusi Akan shprehu përkushtimin për thellimin dhe zgerimin e bashkëpunimit ndërmjet Forcave të Armatosura të Turqisë dhe Forcës së Sigurisë së Kosovës.
