Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Vetëm katër muaj pas shpalljes së Pavarësisë së Kosovës, 10 vjet më parë, më 15 qershor të vitit 2008, ka hyrë në fuqi kushtetuta, e cila e përcakton Kosovën si shtet të pavarur, sovran, demokratik, unik dhe të pandashëm. Republika e Kosovës është shtet laik, shoqëri shumetnike, e përbërë nga shqiptarët dhe komunitete tjera, thuhet në tekstin e Kushtetutës me hyrjen në fuqi të së cilës fillon zbatimi i planit të ish krye negociatorit të Kombeve të Bashkuara, Marti Ahtisaari. Hyrja në fuqi e Kushtetutës së Kosovës shënon fillimin e një periudhe të re të zhvillimeve politike. Kushtetuta hyn në fuqi 120 ditë pas shpalljes së pavarësisë. Institucionet e Kosovës, kanë arritur që për një periudhë të shkurtër kohore, të përgatisin dhe miratojnë 40 ligje që dalin si propozim nga Pakoja e Ahtisarit, e cila ka kushtëzuar Kushtetutën dhe pavarësinë e Kosovës duke ia mbajtur peng ardhmërinë. Fuqia vendimmarrëse e serbëve në institucionet e Kosovës, sidomos në Kuvend e përcaktuar me pakon e Ahtisarit ka gjymtuar pavarësinë dhe në vazhdimësi gjatë këtyre 10 viteve e ka frenuar ardhmërinë e saj të lirë e të pavarur.
