Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Drejtori i Shërbimeve Publike në Gjilan, Naser Korça, ishte shënjestër e një sulmi fizik nga katër persona, pronarë të një linje të autobusëve, në Gjilan. Ai kishte qenë i paralajmëruar për sulmin, kishte lajmëruar Policinë, por ajo nuk kishte reaguar. Kanë ardhur në zyre katër vetë, dy prej tyre vëllezër me dy nipa dhe kanë kërkuar një sqarim dhe i kam kemi dhënë sqaruar por ata nuk u pajtuan me sqarimin. Kanë ardhur sërish dhe ma kanë rrëzuar tavolinën, i kanë gjuajtur kompjuterët. Fatmirësisht kanë qenë edhe nja dy punëtorë të tjerë dhe i kanë ndalur. Kam pasur lëndime nëpër duar, setrën e grisur, pantallonat e grisur. Një ditë përpara në mbrëmje më kanë kërcënuar dhe e kam lajmëruar policinë, që nesër do të më sulmojnë. Kam kërkuar sigurim prej policisë në orën 7 e gjysmë, por ata nuk kanë ardhur deri kur më kanë sulmuar. Pastaj ata i kanë liruar sulmuesit. Policët e Kosovës, në të shumën e rasteve nuk intervenojnë, pa u kryer sulmi, sepse pushtetit i duhen sa më shumë lëndë, kundërvajtje, krime sa më shumë punë për prokurorët, gjyqtarët, avokatët. Parandalimi i krimit apo i sulmit ndaj jetës së qytetarit apo pronës së tij, madje as zyrtarit të Shtetit nuk është prioritet i kësaj policie të politizuar e të korruptuar.
