Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Me ftesë të udhëheqësit të boshnjakëve të Sangjakut, Sulejman Uglanin, sot dhe nesër në Novi Pazar pritet të qëndroj për vizitë ministri i Punëve të Jashtme, Behxhet Pacolli, ku do të flet për të drejtat e njeriut. Ndërkohë, autoritet serbe kanë paralajmëruar se do të ndërmarrin masa ndaj kësaj vizite. Zyrtari i lartë në Qeverinë e Serbisë, Marko Gjuriq, ka thënë për mediet serbe se Serbia do të reagojë seriozisht, me përgjegjësi dhe me dinjitet ndaj ftesës së Pacollit. Nga ana tjetër, këshilltari i ministrit, Behxhet Pacolli, Jetlir Zyberaj ka thënë se ministri Pacolli do të udhëtoj në Novi Pazar për të marrë pjesë në forumin e boshnjakëve. Kjo do të thotë se ai shkon në Sanxhak , bazuar në marrëveshjen e Brukselit për Lëvizje të Lirë. Ne nuk kemi marrë përgjigje akoma por heshtja sipas marrëveshje nënkupton aprovim të vizitës. Ai ka shtuar më tutje se bazuar në marrëveshjen e Brukselit për Lëvizje të Lirë, nëse përgjigjja për vizita politike nuk refuzohet, atëherë ajo në heshtje miratohet.
