Abelard Tahiri

Abelard Tahiri: Para se të na tregojë për Radojçiqin është mirë që Albin Kurti të na tregojë pse e ka lënë të ikë, më 24 shtator

Shefi i grupit parlamentar të PDK-së, Abelard Tahiri, ka komentuar deklaratën e kryeministrit Albin Kurti për riorganizimin e grupit të Milan Radojçiqit në Rashkë. Ai ka thënë se Kurti para se të flasë se çfarë është duke bërë Radojiçiqi në Rashkë, “është mirë të tregojë pse e la të ikte me 24 shtator. Në kohë reale më 24 shtator nga pamjet që janë siguruar nga droni i institucioneve të sigurisë ata kanë parë Radojiçiqin në manastirin e Banjskës. Pra pse është lënë të ikë një person që tashmë po përbënte kërcënim serioz për vendin tonë, ku kishte organizuar një akt terrorist dhe kishte urdhër-arrest nga institucionet e Kosovës”. Ai është i dyshuar për një sërë veprash penale në vendin tonë. Ai atë ditë nuk do duhej të lejohej të ikte, por është dashur të kapej nga Policia e Kosovës dhe të sillej para organeve të drejtësisë. Para se me na tregu kryeministri se çfarë po bën Radojiçiqi në Rashkë, mirë është me na tregu  pse e la me ikë atë ditë”, ka thënë Tahiri pas mbledhjes së Kryesisë së Kuvendit.

Kontrolloni gjithashtu

Ramush Haradinaj

Ramush Haradinaj pretendon se Albin Kurti është rekrutuar nga Serbia gjatë kohës që ishte në burg, në Serbi

Kryetari i AAK-së, Ramush Haradinaj, ka akuzuar kryeministrin e Kosovës, Albin Kurti, se i është …