Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish-kryetari i Komunës së Junikut, Agron Kuçi, ka theksuar se partitë politike mund ta fitojnë besimin e qytetarëve vetëm nëse ndërtojnë struktura mbi meritën, integritetin dhe mbështetjen reale të anëtarësisë. Në një shkrim publik, Kuçi vlerëson se drejtuesit partiakë nuk duhet të zgjidhen përmes imponimit apo marrëveshjeve të ngushta, por si rezultat i kontributit, përgjegjësisë dhe besimit që gëzojnë te qytetarët. Sipas tij, kjo është veçanërisht e rëndësishme për partitë opozitare, të cilat, siç thotë ai, duhet të jenë faktor bashkimi dhe frymëzimi, e jo burim pakënaqësie dhe përçarjeje. Kuçi shprehet se anashkalimi i figurave me kredibilitet dhe promovimi i individëve pa mbështetje qytetare e dobëson unitetin e partisë, ul motivimin e aktivistëve dhe dëmton besueshmërinë e subjektit politik. “Partitë e forta ndërtohen mbi meritokracinë, përfaqësimin dhe respektin për kontributin. Në fund, janë qytetarët ata që japin verdiktin. Ata nuk votojnë emra të imponuar; votojnë njerëz që i njohin, u besojnë dhe i kanë parë të punojnë me ndershmëri”, ka theksuar Kuçi.
