Aktivitete të shumta tematike e kulturore në 19-vjetorin e rënies së heroit, Ilaz Kodra dhe 275 dëshmorëve e martirëve

Me rastin e shënimit të 19 vjetorit të rënies së Komandantit Ilaz Kodra, 40 dëshmorëve dhe 275 martirëve të, gjatë ditës së sotme pritet të  mbahen këto aktivitete:

Në orën 10:00 – fillojnë homazhet, nga Kulla e Komandantit Ilaz Kodra në Prekaz të Poshtëm, për të vazhduar në varrezat e Dëshmorëve në Polac, pranë varrit të Komandantit Ilaz Kodra. Homazhet vazhdojnë te pllaka përkujtimore në Vërboc.

Në orën 11:00 – bëhet hapja e tubimit përkujtimor në Vërboc, te pllaka përkujtimore.

Në orën 12:30 – hapja e turneut në futboll të vogël për kategorinë e juniorëve në Skënderaj,  në fushën sintetike.

Dhe në orën 18:00 në Teatrin Kombëtar në Prishtinë do të mbahet Akademia përkujtimore në nderim dhe respekt  të Komandantit të Brigadës 114 të Zonës së Drenicës,  Ilaz Kodra.