Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeministri në detyrë i Kosovës, Albin Kurti, ka komentuar deklaratat e fundit për kandidimin e mundshëm të Vjosa Osmani për presidente, duke theksuar se për postet shtetërore nuk vendosin liderët politikë, por qytetarët. Duke iu referuar deklaratave të kreut të Lidhja Demokratike e Kosovës, Lumir Abdixhiku, Kurti tha se ambiciet politike janë legjitime, por vendimi final i takon popullit. “Të gjithë ata që kanë ambicie politike, vizion dhe ide për të mirën e qytetarëve, le të angazhohen dhe të punojnë. Por duhet ta kenë parasysh se për këtë nuk vendos asnjë kryetar partie, por populli”, deklaroi Kurti. Ai rikujtoi rezultatin zgjedhor të 21 dhjetorit, duke theksuar se Lëvizja Vetëvendosje kishte marrë 51.1 për qind të votave dhe 57 deputetë në Kuvend. “Lëvizja Vetëvendosje ka 57 deputetë, ndërsa LDK, PDK dhe AAK së bashku kanë 43. Me deputetët e komuniteteve joshumicë ne bëhemi 66. Njerëzit kanë dëshira, por nuk duhet t’i ngatërrojnë dëshirat me faktet”, tha ai. Kurti akuzoi opozitën për situatën politike që çoi vendin drejt zgjedhjeve të reja më 7 qershor, duke thënë se partitë opozitare refuzuan të jenë konstruktive.
