Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeministri i Kosovës, Albin Kurti, në konferencën për media pas mbledhjes së qeverisë ku është miratuar programi qeverisës, ka folur edhe lidhur me mundësinë e garantimit të lirimit me kusht të krerëve të UÇK-së, të akuzuar nga Gjykata Speciale që po mbahen në paraburgim në Hagë. “Në gushtin e vitit 2015, kur është zhvilluar debati për Gjykatën Speciale në Kuvendin e Kosovës, argumenti i pozitës për ta votuar, ka qenë se nëse nuk e bëjmë ne do të jetë gjykatë ndërkombëtare, pra e OKB-së. Ne e kemi ditur që nuk është ashtu. Ajo ka qenë më shumë një lloj frikësimi i atyre që kanë qenë sponsor, e që ishte qeveria e atëhershme e Kosovës”. “Nuk mund të kërkoj unë nga Kroacia për garanci. Aty ka një proces juridik, në të cilin ata që janë në burg i kanë mbrojtësit e tyre ligjorë, të cilët e udhëheqin mbrojtjen. Nuk është shteti në gjyq. Andaj nuk më takon mua të marrë këso hapash. Do të ishte gabim edhe për shtetin e Kosovës dhe për vetë luftëtarët e UÇK-së që i kemi në burg”, ka thënë Kurti.
