Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Serbisë, Aleksandar Vuçiq, ka deklaruar se Serbia e konsideron Kroacinë si një rival strategjik, ndërsa po intensifikon përpjekjet për forcimin ushtarak të vendit. Në një intervistë për televizionin Pink, Vuçiq theksoi se qëllimi kryesor i armatosjes është shmangia e përsëritjes së ngjarjeve historike si operacioni “Stuhia” i vitit 1995 dhe bombardimet e NATO-s në vitin 1999. Duke shpjeguar doktrinën e re të ushtrisë serbe, ai tha se Serbia synon të jetë më e fuqishme sesa disa nga fqinjët e saj, duke përmendur investime të mëdha në armatim, kryesisht nga Rusia dhe Kina. “Ne nuk do të sulmojmë askënd, por asnjëherë të mos i shkojë kujt në mend të kryejë agresion ndaj vendit tonë,” tha ai. Vuçiq vlerësoi se Serbia po përparon ekonomikisht dhe po zvogëlon diferencat me Kroacinë, duke e konsideruar këtë një faktor shtesë për fuqizimin e pozitës së saj rajonale.
