Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Komunës së Ferizajt, Agim Aliu ka bërë të ditur se 18 rastet e infektuar me koronavisur në Ferizaj, janë infektuar nga një person i vetëm, tashmë i ndjerë, i cili nuk kishte simptome të koronavirusit. “Ai nuk ka qenë me simptome që kanë manifestuar me infeksion të Covid-19, por ka paraqitur simptome krejtësisht tjera, ato kardiake, dhe pas dërgimit në Prishtinë dhe pas vdekjes së tij, është konstatuar se ishte me koronavirus”. Ky rast tregon për përmasat e shpërndarjes së këtij virusi, ka theksuar kryetari i Komunës së Ferizajt, Agim Aliu. Ai ju ka bërë thirrje të gjithë qytetarëve të kësaj komune që të kenë kujdes maksimal gjatë këtyre ditëve dhe t’i zvogëlojnë me maksimum kontaktet fizike me persona tjerë. Tash e tutje të marrim edhe masa tjera për të shtuar disiplinën e qytetarëve. Ne kemi përgjegjësinë si Komunë që të bëjmë çdo gjë që ta ruajmë shëndetin e qytetareve tanë. Në koordinim me IKSHPK-në dhe Ministrinë e Shëndetësisë, do të marrim edhe masa tjera që janë të nevojshme, në mënyrë që Ferizaj të kalojë më mirë pas paraqitjes së numrit të madh të të infektuarve, ka thënë në mes tjerash kryetari i Komunës së Ferizajt, Agim Aliu.
