Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në një takim me përfaqësues të Organizatës së Veteranëve të Luftës së UÇK-së, Altin Krasniqi ka theksuar rëndësinë e një vendimi të drejtë dhe të paanshëm në proceset gjyqësore në Hagë, duke kërkuar që çdo vlerësim të bazohet vetëm në fakte dhe jo në ndikime politike. Ai u shpreh se lufta çlirimtare e Kosovës ishte luftë për liri dhe dinjitet, duke nënvizuar se e vërteta historike nuk mund të zbehet dhe duhet të mbrohet institucionalisht. Gjatë takimit me kryetarin e Organizatës së Veteranëve të Luftës së UÇK-së, Hysni Gucati, Krasniqi tha se pret që pas konstituimit të Kuvendit të Kosovës të procedohet edhe Ligji për Mbrojtjen e Vlerave të Luftës së UÇK-së. Sipas tij, ruajtja e kujtesës historike dhe mbrojtja e vlerave të luftës çlirimtare përbëjnë përgjegjësi shtetërore dhe kombëtare, të cilat duhet të trajtohen me prioritet institucional.
