MIT
kek
Airport Adem Jashari
mbpzhr 2018
Fillimi / Lajmet / Ambasada amerikane reagon kundër emërimit në pozita të larta qeveritare, të individëve të pakualifikuar dhe atyre që janë dënuar
Ambasada e Amerikës në Prishtinë

Ambasada amerikane reagon kundër emërimit në pozita të larta qeveritare, të individëve të pakualifikuar dhe atyre që janë dënuar

Ambasada amerikane në Prishtinë ka dërguar një komunikatë për media me anë të së cilës shpreh shqetësimin për emërimin e personave të pakualifikuar në pozita të larta qeveritare. Në komunikatë thuhet se  Shtetet e Bashkuara të Amerikës mbesin thellësisht të shqetësuara nga veprimi i qeverisë së Kosovës për emërimin e individëve të pakualifikuar në pozita të larta qeveritare, duke  përfshirë edhe individë të dënuar për krime lufte, individë nën aktakuzë aktive për krime të rënda dhe të dyshuar për keqpërdorim të rëndë të pozitës. Individët e pakualifikuar, të cilët janë dënuar nga drejtësia apo janë duke u ndjekur në mënyrë aktive për krime të rënda, si dhe ata që kanë shfaqur gatishmëri për të vepruar, të sigurt se nuk do të dënohen, dhe kanë keqpërdorur autoritetin e tyre, nuk kanë vend në pozitë zyrtare. Nominimi i këtyre individëve të pakualifikuar minon besimin e publikut që Kosova po përpiqet ta ndërtojë, e privon vendin nga mundësia për të pasur individë kompetentë, me nam dhe më se të kualifikuar për të kryer punën në qeveri dhe i çnderon viktimat e krimeve të kaluara të këtyre individëve. Po ashtu, kjo gjë pengon përparimin e Kosovës drejt ndërtimit të namit në rrafshin ndërkombëtar që do ta bënte atë partnere të dëshirueshme për vendet e tjera dhe forcon pozicionin e kundërshtarëve që do të pohonin se Kosova nuk është e përkushtuar ndaj sundimit të ligjit”, thuhet në komunikatë.

Kontrolloni gjithashtu

Pacolli: Thirrjet e fundit shpërfaqin më së miri tendencën e Gjykatës Speciale për ta kriminalizuar luftën e pastër të UÇK-së

Nënkryetari i komunës së Prishtinës, Selim Pacolli ka shkruar se thirrjet e dy ditëve të ...