Ambienti, bujqësia, transiti dhe shtrati i lumit, prioritet i Malishevës për vitin 2017

31/08/2016 Institucionet

Në Malishevë, organizuar nga OSBE misioni në Kosovës dhe Drejtoria Komunale, u mbajt një punëtori, lidhur me zhvillimin e buxhetit komunal, për vitin 2017.  Krahas kryetarit dhe qeverisë komunale, në këtë punëtori morën pjesë edhe përfaqësues të shoqërisë civile, pastaj anëtarë të Kuvendit të Komunës së Malishevës dhe anëtarë të Komitetit për Politikë dhe Financa.

Kryetari i Komunës së Malishevës, Ragip Begaj, duke folur në këtë punëtori, tha se “është shumë e rëndësishme që konsultimet për buxhetin të mbahen edhe në këtë formë”. “Ne kemi një strategji të hartimit të buxhetit dhe ajo strategji është konsultimi me qytetarë dhe buxheti, përkatësisht investimet kapitale, orientohen sipas nevojave që kanë qytetarët”, tha Begaj, sipas të cilit, ambienti, bujqësia, arsimi, transiti dhe shtrati i lumit, do të jenë prioritete për vitin e ardhshëm.

“Procesi i zhvillimit të buxhetit është shumë i rëndësishëm për komunën, pasi është mjet i rëndësishëm për caktimin e prioriteteve  dhe i planifikimit”, tha Yusuke Hara, zyrtar i OSBE-së.

Më pas, drejtori i Drejtorisë për Buxhet dhe Financa, Vesel Krasniqi, e bëri një prezantim të hollësishëm të procesit të hartimit të buxhetit komunal, duke filluar nga qarkorja e  parë buxhetore, pastaj debatet me qytetarë, tryezat apo punëtoritë si kjo e sotmja, e deri në hartimin final të projekt buxhetit. “Këtë vit, kemi arritur që kërkesat e dy sektorëve ti fusim si kode buxhetore, atë për çështje gjinore dhe për rini”, tha Krasniqi, ndërsa sipas tij, buxheti për vitin 2017 do të jetë  12.866.848,00 euro, i ndarë në pesë kategori buxhetore, kurse për investime kapitale, do të jenë rreth katër milion. Po ashtu Krasniqi, bëri të ditur, se Malishevës, buxheti i ndahet për 54 613 banorë.

Më pas edhe drejtorët e drejtorive veç e veç, e kanë bërë prezantimin e drejtorive të tyre dhe prioriteteve për vitin 2017, kurse në fund pjesëmarrësit në këtë punëtori i kanë dhënë opinionet e tyre për buxhetin, si përfaqësues te kuvendit, ashtu edhe përfaqësuesit e organizatave jo qeveritare në Malishevë.

Kontrolloni gjithashtu

Komiteti për Politikë dhe Financa mbajti Mbledhjen e shtatë për këtë vit

Komuna e Rahovecit nën udhëheqjen e Kryesuesit, z. Fatmir Iska, sot, më 19 gusht 2026, …

Radio Kosova e Lirë 94.2 FM
Kjo ueb-faqe mirëmbahet nga Radio Kosova e Lirë. Materialet dhe informacionet e publikuara në këtë faqe, të cilat janë pronë e Radio Kosovës së Lirë dhe të redaksisë “Dëshmorët e UÇK-së”, nuk mund të kopjohen, riprodhohen, shtypen apo të përdoren në çfarëdo forme tjetër për qëllime përfitimi, pa lejen paraprake të redaksisë. Radio Kosova e Lirë mban të gjitha të drejtat e rezervuara, në përputhje me dispozitat ligjore që rregullojnë të drejtat e autorit dhe pronën intelektuale. © Copyright 2005 - 2026, Të gjitha të drejtat e rezervuara