Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sindikata e Pavarur e RTK-së ka reaguar kundër pagave tejet të larta të Bordit të RTK-së krahasuar me Transmetuesit Publik të rajonit dhe me gjerë. Sipas raportit të publikuar më 16 dhjetor 2016, Bordi i drejtorëve të RTK-së është shumëfish më i paguar se bordet e transmetuesve publikë të Hungarisë, Sllovenisë, Kroacisë, Shqipërisë, Maqedonisë, Serbisë, Malit të Zi etj. Bordi i RTK-së merr mbi 20 herë më shumë pagë se bordi i Transmetuesit Publik në Slloveni. Një anëtar në Bordin e Transmetuesit Publik në Slloveni paguhet vetëm 55 euro për takim që mesatarisht mbahet një herë në muaj ndërsa një anëtar i bordit të RTK-së paguhet 1.156 euro. Ky shembull tregon më së miri se si e derdhin dhe e shpenzojnë paranë publike mujsharët e Qeverisë, duke mbajtur nën kontroll RTK-në, e cila konsiderohet si medium publik dhe financohet me paratë e taksapaguesve të Kosovës, si dhe me reklama dhe donacione të shumta.
