Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Diplomati amerikan, Antony Blinken, ka mbërritur në Turqi, me qëllim për të kërkuar të qetësohen tensionet në Lindjen e Mesme. Blinken dje mbërriti në Stamboll për udhëtimin e tij të katërt në rajon që nga fillimi i luftës. Ai do të vizitojë Izraelin, Bregun Perëndimor të pushtuar, Katarin, Jordaninë, Egjiptin, Arabinë Saudite dhe Emiratet e Bashkuara Arabe. Edhe diplomati i lartë evropian Josep Borrell do të udhëtojë gjithashtu në Lindjen e Mesme. Udhëtim i tij vlerësohet gjithashtu pjesë e një shtytje të re diplomatike për të ndaluar përhapjen nga lufta e Gazës në Bregun Perëndimor, Libanin dhe Detin e Kuq të pushtuar nga Izraeli. Ai do të udhëtojë për në Liban, ku do të takohet me kryeministrin Naxhib Mikati, ministrin e tij të jashtëm dhe gjeneralin e lartë të vendit. “Misioni do të jetë një rast për të diskutuar të gjitha aspektet e situatës në dhe rreth Gazës, duke përfshirë ndikimin e saj në rajon, veçanërisht situatën në kufirin izraelito-libanez, si dhe rëndësinë e shmangies së përshkallëzimit rajonal”, është thënë në një deklaratë të shërbimit diplomatik të Bashkimit Evropian.
