Vetëvendosje ka mbajtur konferencë për media ku është folur për marrëveshjen e arritur mes Kosovës dhe Serbisë në Uashington. Nënkryetarja e Kuvendit të Kosovës, Arbërie Nagavci, para mediave tha se Hoti ka bërë kompromisë krejt kundër parimeve të cilat i ka përmendur, andaj sipas tij, për të njëjtat ai nuk e ka përkrahjen as të partnerëve të tij. Sipas saj, kryeministri tregoi hipokrizi në çështjen e njohjes reciproke, si dhe në kërkesën për anëtarësim në organizata ndërkombëtare. Nagavci ka folur edhe për akuzat e Richard Grenell ndaj kreut të partisë së saj, Albin Kurti, i cili u quajt person që gjithëherë del kundër Shteteve të Bashkuara të Amerikës. “Akuzat nuk tregojnë asgjë për Vetëvendosjen dhe zotin Kurti, por vetëm për mënyrën se si negocion dhe çfarë partnerësh do ai. Duket që zotit Grenell, i pëlqen të ketë negociatorë si zoti Hoti që ia bëjnë amin për çkado”, tha ajo.
Kontrolloni gjithashtu
Gerald Knaus: Gjermania e Franca do ta bllokojnë anëtarësimin e Kosovës në Këshillin e Evropës për shkak të Asociacionit
Gjermania dhe Franca janë dy prej shteteve që po përgatiten të bllokojnë anëtarësimin e Kosovës …