Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Asambleja e Përgjithshme e INTERPOL-it sot në rend dite ka votimin për anëtarësimin e Republikës së Kosovës në këtë organizatë ndërkombëtare të bashkëpunimit policor. Ministri i Punëve të Jashtme, Behxhet Pacolli, ka konfirmuar se votimi për anëtarësim të Kosovës në Interpol do të mbahet pikërisht sot. Në një shkrim të publikuar, ai ka thënë se lufta kundër krimit të organizuar ndërkombëtar dhe terrorizmit është synim i Kosovës. “Fillim i mbarë. U konfirmua agjenda e samitit të Interpolit dhe pika ku Kosova aplikon për të qenë anëtare. Lufta kundër krimit të organizuar ndërkombëtar dhe terrorizmit është synimi ynë. Votimi do të ndodhë të martën”, kishte shkruar ai. Mbledhja e përvitshme e Interpol-it e cila po mbahet në Dubai, do të vazhdojë deri të mërkurën, kur shtetet anëtare do të votojnë për kryetarin e ri me mandat njëvjeçar.
