ASK: Eksporti i mallrave në dhjetor 2015 kishte vlerën 23.5 milionë Eu, ndërsa importi 253.6 milionë

Tema të tjera...

Gjykata Speciale, në Hagë, ua ka vazhduar paraburgimin Hashim Thaçit, Kadri Veselit dhe Ismet Bahtjarit

19/04/2024

Kryeministri, Albin Kurti, ka folur për procesin e referendumit të 21 prillit që do të mbahet në katër komunat veriore të vendit

19/04/2024

Lulzim Peci: Anëtarësimi i Kosovës në Këshillin e Evropës mund të shtyhet, nëse Asociacioni nuk dërgohet në Gjykatën Kushtetuese

19/04/2024

Kryetari i Aleancës për Ardhmërinë e Kosovës, Ramush Haradinaj, ka përkujtuar heroin e kombit, Sali Çekaj në 25-vjetorin e rënies

19/04/2024

Anëtarësimi i Kosovës në Këshillin e Evropës, një sfidë për diplomacinë Ballkanike dhe ndikimin ukrainas

19/04/2024

Fronti Evropian: VMRO po bën union me parti proruse dhe antishqiptare

19/04/2024

Agjencia e Statistikave të Kosovës publikoi të dhënat Tregtisë së Jashtme, lidhur me rrjedhat e eksportit dhe importit për muajin dhjetor 2015.

Të dhënat nga Tregtia e Jashtme në Kosovë tregojnë për një deficit tregtar më të lartë për muajin dhjetor 2015 prej 230.0 milionë eurosh, krahasuar me deficitin prej 198.5 milionë euro me periudhën e njëjtët të vitit 2014.

Eksporti mbulon importin me 9.3%.Eksporti i mallrave në muajin dhjetor 2015 kishte vlerën 23.5 milionë euro, ndërsa importi 253.6 milionë euro, ku shihet se është një rënie prej (-10.8%) për eksport, dhe një rritje prej (12.7%) për import, duke krahasuar me periudhën e njëjtë të vitit 2014.

Sipas të dhënave të grupeve kryesore, eksportin e përbëjnë: metalet bazë dhe artikujt prej tyre me 45.5%; produktet minerale me 13.8%; ushqimet e përgatitura, pijet dhe duhani me 9.4%; plastika, goma dhe artikuj prej tyre me 6.3%; tekstili dhe artikuj prej tij me 5.5%; produktet bimore me 5.2%, etj.

Ndërsa, sipas të dhënave të grupeve kryesor për import: (16.0%) të importit e përbëjnë makineritë, pajisjet mekanike dhe elektrike; (15.1%) e përbëjnë ushqimet e përgatitura, pijet dhe duhani; (10.8%)e përbëjnë produktet minerale; (9.9%)e përbëjnë metalet bazë dhe artikujt prej tyre; (7.8%)e përbëjnë mjetet e transportit; (7.3%) produktet e industrisë kimike; (5.9%) produktet bimore; (4.9%) plastika, goma dhe artikuj prej tyre, etj.

Lidhur me eksportin dhe importin e Kosovës, partnerë kryesorë tregtarë janë vendet e CEFTA-së, të cilat marrin pjesë me (35.4%) për eksport dhe (24.6%) për import, ndërsa vendet e BE-së marrin pjesë me (20.0%) për eksport dhe (43.0%) për import.

Përqindja më e madhe e eksportit ishte në: Indi (16.4%), Shqipëri (13.3%), Serbi (10.7%),

Maqedoni (9.1%), Gjermania (4.4%), Zvicër (4.3%), Turqi (4.3%), etj.

Ndërsa, sipas të dhënave, përqindja më e madhe e importit është nga: Serbia (12.7 %), Turqia

(12.0), Gjermania (11.9%), Kina (9.4%), Italia (9.2%), Maqedonia (5.0%), etj.