Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Një ditë pas arrestimit të shtetasit egjiptian, Adel Salam, që akuzohet nga Policia e Shtetit si autor i rrëmbimit të anijes ‘Çelepia 2’, Ministria e Punëve të Jashtme të Shqipërisë ka njoftuar se në bordin e anijes është gjetur shtetasi shqiptar, Luan Mema. Bëhet e ditur se marina e Egjiptit ka marrë në kontroll peshkarexhën dhe e ka vendosur atë në një port ushtarak në Aleksandri. Ambasada shqiptare në Egjipt është në kontakt të vazhdueshëm me autoritetet egjiptiane, prej të cilëve është mësuar se shtetasi shqiptar, Luan Mema është në gjendje të mirë shëndetësore. Autoritetet e këtij shteti poashtu po punojnë për gjetjen e vendndodhjes së shtetasit tjetër shqiptar, Dhimitër Malja si dhe kryerjen e të gjitha hetimeve për zbardhjen e kësaj ngjarje.
