Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Autoritetet serbe vazhdojnë edhe më tutje me fushatën e tyre të egër kundër anëtarësimit të Kosovës në INTERPOL. Ministri i Brendshëm i Serbisë, Nebojsha Stefanoviq, mbrëmë ka mbërritur në Kili, ku edhe do të mbahet Asambleja e Përgjithshme e kësaj organizate. Me të mbërritur në Kili, Stefanoviq i cili është edhe kryesues i delegacionit serb, është zotuar se do të bëj çdo gjë që ta pengojë anëtarësimin e Kosovës në INTERPOL. Në një postim në profilin e tij zyrtar në llogarinë Twitter, Stefanoviq ka shkruar se, Serbia do të luftojë deri në momentin e fundit për të parandaluar anëtarësimin e Kosovës në INTERPOL. “Po fillon faza e fundit e luftës tonë! Do të japim gjithçka nga vetja që Kosova të mos realizojë synimet e saj. Do të luftojmë deri në sekondën e fundit të votimit”, ka shkruar Stefanoviq. Sipas medieve serbe, delegacioni i Serbisë sot do të fillojë aktivitete diplomatike intensive në Santiago për të mos lejuar as këtë vit anëtarësimin e Kosovës në INTERPOL. Duhet theksuar se kohë më parë ministri i Jashtëm i Serbisë, Ivica Daçiq, pati deklaruar se në rast se Kosova arrin të anëtarësohet në Interpol, ai do të jap dorëheqje nga posti që ai e ushtron në qeverinë e Aleksandar Vuçiqit. Ndryshe Asambleja e Përgjithshme e INTERPOL-it do të zhvillohet nga 15-18 tetor dhe do të mbahet në Kili.
