Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Partisë Demokratike, Lulzim Basha ka deklaruar se nuk e njeh referendumin e organizuar nga Sali Berisha dhe ka përkujtuar se Sali Berisha është përjashtuar si anëtar i grupit parlamentar të PD-së dhe rrugët e PD-së me atë janë të ndara. “Demokratët zgjedhin interesin kombëtar, zgjedhin të ardhmen dhe sot PD është pastruar nga e shkuara. Fokusi i tyre është organizimi i zgjedhjeve dhe heqja nga pushteti të atyre me vota të vjedhura dhe për të nisur reformat dhe luftën ndaj korrupsionit dhe krimit të organizuar” ka theksuar kryetari i Partisë Demokratike, Lulzim Basha. Ai ka theksuar më tutje se Berisha mund të organizojë protesta kundër SHBA-ve, të formojë shoqata por është i përjashtuar nga Kuvendi Kombëtar i PD-së. Fokusi i jonë do të jetë t’i japim fund qeverisjes në krye me Edi Ramën që po ua bën jetën ferr shqiptarëve”, ka deklaruar mes tjerash kryetari i Partisë Demokratike, Lulzim Basha. Pas mbledhjes së kryesisë së PD-së, tha se 5004 delegatë në Kuvendin Kombëtar me një shkëmbim mendimesh dhe liri të plotë, vendosen me votën e tyre për të ardhmen e Shqipërisë, pasi shqiptarët prisnin ndryshimin dhe e presin nga ata edhe sot.
