Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Partisë Demokratike të Kosovës, Bedri Hamza, ka pritur në takim ambasadorin e Austrisë në Kosovë, Georg Schnetzer, me të cilin ka biseduar për zhvillimet politike në vend dhe procesin e formimit të institucioneve të reja. Hamza theksoi se Kosovës i nevojiten institucione funksionale, stabile dhe efektive, duke shprehur pritjen që procesi i certifikimit të rezultateve zgjedhore të përfundojë në ditët në vijim. Ai ritheksoi përkushtimin e PDK-së ndaj demokracisë, funksionimit të institucioneve dhe mbrojtjes së interesit shtetëror. Gjatë takimit, kreu i PDK-së shprehu shqetësim për, sipas tij, prapakthimin në fusha kyçe si ekonomia, integrimi euroatlantik, sundimi i ligjit, lufta kundër korrupsionit dhe liria e shprehjes, duke theksuar se partia e tij do të vazhdojë të kontribuojë në forcimin e institucioneve demokratike dhe avancimin e prioriteteve strategjike të Kosovës.
