Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Partisë Demokratike të Kosovës, Bedri Hamza, ka nisur ditën e sotme me një takim me ambasadorin William Walker, mik i vjetër dhe mbështetës i Kosovës, në kuadër të ditëve të përkujtimit për viktimat e masakrës së Reçakut. Hamza vlerësoi rolin vendimtar të Walker në janar të vitit 1999, kur ai i dha jehonë botërore krimit serb në Reçak dhe ndihmoi që e vërteta të mos mbetej e heshtur. “Ditën e sotme e nisa me mikun e madh të Kosovës, ambasadorin William Walker. Miqësia dhe kontributi i tij për vendin tonë janë të jashtëzakonshme. Faleminderit për gjithçka që ke bërë për Kosovën!”, shkroi Hamza. Ky takim thekson rëndësinë e kujtesës historike dhe rolit të personaliteteve ndërkombëtare që kanë qëndruar pranë Kosovës në momentet më të vështira, duke promovuar një mesazh mirënjohjeje dhe bashkëpunimi ndërkombëtar.
