Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Me afrimin e zgjedhjeve nacionale, kandidati i Partisë Demokratike të Kosovës për kryeministër, Bedri Hamza, prezantoi një paketë të re stimujsh financiarë të cilët, sipas tij, synojnë mbështetjen e zhvillimit të sektorit privat dhe rritjen e eksportit. Këto masa janë pjesë e programit më të gjerë të quajtur “Kosova mundet ma mirë” dhe përfshijnë subvencione për investime private, grante për modernizimin e teknologjisë, financime për rritjen e eksporteve dhe zgjerimin e Fondit të Garantimit të Kredive të Kosovës. Një nga pikat kyçe të programit është zotimi për subvencione qeveritare deri në 30% të shumës totale të investimit, një masë që Hamza e quan “një program të fuqishëm për mbështetjen financiare të sektorit privat.” Në fokusin e planit të Hamzës është gjithashtu zgjerimi i Fondit të Garantimit të Kredive të Kosovës, për të siguruar kredi me kushte të favorshme për bizneset strategjike.
