Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sot është shënuar 21 vjetori i Betejës së Likoshanit dhe Qirezit që njëherit shënon edhe fillimin e luftës së armatosur në Kosovë. Në mëngjesin e ditës së sotme qytetarë të shumtë por edhe përfaqësues të institucioneve kanë bërë homazhe tek varrezat e dëshmorëve. Kryetari i Skenderajt, Bekim Jashari në fjalën e tij ka thënë së në mes dhembjes dhe krenarisë që sjellin datat e rëndësishme të ngjarjeve që kanë lenë gjurmë në histori sot i kujtojmë të gjithë të rënët e familjeve Ahmeti, Rexhepi, Nebihu, Xheli, Sejdiu, Rama dhe Fazliu. Janë të freskëta kujtimet kur këto familje u gjenden përball një hakmarrje të egër nga forcat policore serbe të cilat u thyen keq nga njësiti i UÇK-së. Gjatë Lisat kanë mbetur përherë në mendjet tona duke na kujtuar vuajtjet e familjeve të sulmuara egërsisht, për të cilat më vonë do t’i njoh e gjithë Kosova e do t’i respekton e gjithë shqiptaria. Ne si popull jemi të përcaktuar të ndërtojmë një të ardhme të ndritur për gjeneratat e reja, fëmijët tanë duke e kujtuar gjithnjë të kaluarën tonë të lavdishme dhe luftën e UÇK-së, tha ndër të tjera kryetari Jashari.
