Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Egoja e Kurtit po shtrihet mbi partinë, thotë publicisti Ben Andoni, sipas të cilit kryeministri i Kosovës po kërkon ta shtrijë kudo ndikimin e tij. Përfshirja e Lëvizjes Vetëvendosje në garën për zgjedhjet parlamentare në Maqedoninë e Veriut, rrezikon t’i cenojë edhe zgjedhjet në Kosovë. Partia e tij u fut zyrtarisht në koalicion me opozitën shqiptare në shtetin fqinj. Kurti është futur që herët në këtë garë, duke u renditur kah partitë shqiptare në opozitë si Alternativa, Lëvizja Besa dhe Lëvizja Demokratike. Po mendoj se edhe pa Vetëvendosjen, faktori shqiptar është shumë i përçarë në Maqedoni. Ky rast, thjesht do e konfuzojë dhe mbi të gjitha është larg sensit për një ideologji bashkë kombëtare dhe akoma më larg asaj që po bëhet në këtë fushë nga fushat e ndryshme shqiptare. Shqiptarët e Maqedonisë së Veriut kanë nevojë të merren vesh mes tyre, para se të futen faktorë të jashtëm. Që prej ardhjes në pushtet, Kurtin e intrigoi pjesëmarrja në skenën politike shqiptare edhe në shtetet përreth, në disa mënyra. Në Shqipëri i bëri zyrtarisht opozitë kryeministrit, Edi Rama, duke garuar me partinë e tij në zgjedhjet parlamentare në vitin 2021, në Kosovën Lindore intervenoi duke e mbështetur një krah politik, opozitës shqiptare në Maqedoninë e Veriut ia dha një dorë në gusht, në një vizitë atje që shkaktoi shumë polemika, tha mes tjerash analisti, Ben Andoni.
