Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Zyrtari i LDK-së, Berat Rukiqit, ka deklaruar se për dallim prej qeverive të kaluara, qeveria e tanishme e kryeministrit Kurti e mbron çdo zyrtar të vetin, pavarësisht se ka fakte e indikacione të qarta për shumë raste. Kurti nuk reflektoi siguri për atë çka po e thotë, por reflektoi nervozë e frikë dhe sigurisht ka një arsye të caktuar për këtë dhe ne besojmë që vetë afërsia e kryeministrit dhe njerëzve rreth tij me personazhin kryesor të kësaj afere, pronarin e kompanisë “Bukë e Zemër” që ka porositur rezervat shtetërore, në këtë rast Ridvan Muharremi, i ka dhënë mjaftueshëm arsye kryeministrit që të shfaqë këtë nervozë dhe të del në mënyrë të paprecedentë ta mbrojë një rast i cili është krejt në fillim të hetimeve. Ne mendojmë që janë edhe elementet e një krimi të organizuar në kuptim të asaj se qysh ka rrjedhur jo vetëm kjo aferë por edhe aferat e kaluara. Pra, janë elemente që duhet të hetohen, e sidomos te ky rast pasi ka indikacione se ka ndërlidhje me nivele të larta të këtij pushteti.
