Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Shefi i Grupit Parlamentar të AAK-së, Besnik Tahiri, ka folur lidhur me votimin e themelimit të komisionit hetimor për energjinë elektrike në Kuvendin e Kosovës. Ai ka thënë me këtë rast se që nga dita e parë, ishte gabim dhe arrogancë e tepruar e Vetëvendosjes mos votimi i komisionit hetimor parlamentar për gjendjen energjetike në vend. Dje fitoi e drejta legjitime e opozitës për të hetuar çdo parregullsi në vend. Humbëm shumë kohë në një debat të pa nevojshëm, debat i cili për një moment i mënjanoi nga debati publik temat më të rëndësishme për vendin – ato që ndërlidhen me jetën e qytetarit. Besnik Tahiri ka theksuar se kemi hyrë në vitin e dytë të qeverisjes Kurti, askund nuk është Ligji i Pagave, e siç po shihet edhe këtë vit nuk do të miratohet. “Strategjinë e arrogancës, të cilën po e përdor shumica parlamentare është e dëmshme për vendin, kjo i vërtetua pasi e drejta legjitime e opozitës për të hetuar parregullsitë, sikurse që u mënjanua një debat i cili është dashur të kryhet brenda një dite”, ka saktësuar Besnik Tahiri.
