Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputeti i Aleancës për Ardhmërinë e Kosovës, Besnik Tahiri, ka reaguar duke theksuar rëndësinë jetike të mbrojtjes së institucioneve të pavarura për funksionimin e shtetit. Në një deklarim publik, ai ka nënvizuar se rreziku për Kosovën nuk vjen vetëm nga kundërshtarët e jashtëm, por edhe nga ndërhyrjet e brendshme që synojnë dobësimin e institucioneve kushtetuese. “Shteti nuk rrezikohet vetëm nga armiqtë e përbetuar të Kosovës, por edhe atëherë kur synohet të preken institucionet kushtetuese”, ka shkruar Tahiri. Ai ka shtuar se institucionet e pavarura duhet të mbrohen me çdo kusht nga ndikimi politik dhe kapja partiake, duke theksuar se ruajtja e integritetit të tyre është themel për një shtet funksional dhe demokratik.
