Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Pas paralajmërimeve për ngritjen e çmimit të energjisë elektrike, bizneset kanë tërhequr vërejtjen se kjo do të pasohet me ngritjen e çmimit të produkteve tjera për prodhimin e të cilave duhet energji elektrike. Kryetar i Odës Ekonomike të Kosovës, Lulzim Rafuna, ka sqaruar se kjo mund të ndodhë nëse në ngritjen e çmimit të energjisë do të vlejë edhe për bizneset. “Është e vërtetë që në muajin shkurt nuk ka pasur ngritje të tarifave të energjisë elektrike për bizneset. Për këtë arsye, ne presim që ta kemi një dokument nga ZRRE-ja se a janë të përfshira edhe bizneset apo i përfshinë vetëm qytetarët. Nëse shtrenjtohet rryma për bizneset, padyshim që do të ketë efekt edhe në ngritjen e çmimit të produkteve, për arsye se rryma ka ndikim në proces të prodhimit”, ka thënë Lulzim Rafuna për KosovaPres.
