Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ministri i Punëve të Jashtme i Britanisë së Madhe, Boris Johnson, ka kërkuar nga liderët politikë të Kosovës që vendosjen e njerëzve nëpër poste ta bëjnë sipas meritave dhe jo sipas lidhjeve të tyre. Në fjalimin e tij para deputetëve të Kuvendit të Kosovës, ministri britanik ka thënë se një student i mirë që punon shumë, duhet të gjejë një vend pune dhe të mos lihet anash nga një student më i dobët që ka lidhje më të mira. Njerëzit kanë të drejtë që të kërkojnë llogari nga përfaqësuesit e zgjedhur, ju duhet të flisni me ata dhe të dëgjoni shqetësimet e tyre. Vendosja e njerëzve sipas meritës, do të thotë se nëse jeni student dhe punoni shumë duhet të gjeni një vend pune dhe nuk do të shtyheni anash me bërryla nga një kandidat i dobët që ka lidhje më të mira sesa ju. Johnson, ka ngushëlluar familjen e Astrit Deharit dhe ka kërkuar nga autoritetet e Kosovës që të kryejnë hetim të pavarur për vdekjen e tij.
