Ushtruesi i detyrës së ministrit të Jashtëm të Shqipërisë Gent Cakaj u është bashkëngjitur reagimeve të krerëve tjerë institucionalë ndaj inicimit të aktakuzës nga Specialja kundër kryetarit Hashim Thaçi dhe kryetarit të PDK-së Kadri Veseli, duke thënë se lufta e UÇK-së ka qenë e pastër dhe e drejtë. Ai ka shkruar se UÇK-ja është jo vetëm pika më e lartë e përpjekjeve historike të popullit të Kosovës për liri e vetëvendosje, por edhe kapitulli më i lavdishëm i historisë sonë kombëtare. “Sot, duke qenë krejtësisht të bindur në pafajësinë e tyre të plotë e duke njohur me nderim të thellë punën e tyre në shërbim të kombit shqiptar e vlerave njerëzore, mbështetje e pakursyer për Hashim Thaçin e Kadri Veselin, gjithnjë duke kujtuar kryelartë e ballëhapur gjithë historinë e ndritur e të pastër të Ushtrisë Çlirimtare të Kosovës”, ka shkruar Cakaj.
Kontrolloni gjithashtu
Prindi i ish presidentit Hashim Thaçi, Haxhi Thaçi ka uruar që sa më parë të kthehen në Kosovë të gjithë që po mbahen në Hagë
Ish kryetari, Hashim Thaçi ka pritur sot në paraburgim prindërit e tij, Haxhi dhe Hyra …