Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Duke komentuar një foto të darkës së liderëve të Evropës Juglindore në samitin SEECP në Selanik të Greqisë, në të cilën shihet se si kryetarja e Kosovës, Vjosa Osmani ia ka kthyer shpinën kryeministrit të Shqipërisë dhe manifeston mungesë respekti ndaj tij, ish ambasadorja e vendit tonë në Shtetet e Bashkuara të Amerikës, Vlora Çitaku ka shkruar se sentimentet dhe preferencat personale pushojnë në momentin kur pranohet funksioni shtetëror. “Raportet me Shqipërinë janë më të thella e më të fuqishme se çfarëdo mospajtimi i përkohshëm. Ne mund të mos pajtohemi me Kryeministrin Rama rreth 1 çështje, por pajtohemi për 99 tjera. Edi Rama është Kryeministri që kanë zgjedhur Shqiptarët tash e tri herë me radhë. Kam qenë vet dëshmitare e shumë situatave jo të lehta për Kosovën, dhe e kam parë me sytë e mi, edhe e kam dëgjuar me veshët e mi, mbështetjen që i jep Kryeministri Rama Kosovës. Dorën në zemër, shpesh edhe me më shumë elokuencë se ne vet. Është për keqardhje që sot, në ditën e çlirimit të Kosovës po duhet me ua përkujtu disave ndihmën e jashtëzakonshme që e ka dhënë Shqipëria për lirinë dhe pavarësinë tonë. Mos krijoni gogola. Mos krijoni armiq të paqenë” ka porositur ish ambasadorja e vendit tonë në Shtetet e Bashkuara të Amerikës, Vlora Çitaku.
