Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputetja e Partisë Socialiste, njëherësh kryetare e Komisionit për Politikën e Jashtme në Shqipëri, Arta Dade, ka thënë se Shqipëria dhe Kosova kanë rol shumë të rëndësishëm në rajon si faktor stabiliteti, bashkëpunimi dhe tolerance me vizionet e tyre të qarta për një Ballkan të evropianizuar. Në një intervistë për gazetën “Epoka e re”, deputetja, Dade, ka theksuar se dy shtetet shqiptare duhet të artikulojnë veprimet e përbashkëta në mënyrë që t’i bëjnë kufijtë e papërfillshëm. Duke folur rreth agjendës evropiane, ajo ka thënë se Kosova duhet t’i përmbushë kriteret për liberalizimin e vizave, në mënyrë që të mos bllokohet lëvizja e lirë e qytetarëve. Dade ka bërë me dije se asnjëherë nuk do të mungojë mbështetja e Shqipërisë dhe e Komisionit për Punë të Jashtme, që Kosova të jetë pjesë e të gjitha organizmave rajonale dhe parlamentare. Deputetja socialiste ka folur edhe për mosnjohjen e Kosovës nga pesëshja e BE-së. Ajo ka thënë se është paradoksale që ende këto pesë shtete nuk e njohin Kosovën, pavarësisht se ato e mbështesin të ardhmen evropiane të saj.
