Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Pas miratimit në lexim të dytë të Projektligjit për Byronë e konfiskimit të pasurisë së pajustifikueshme, ka reaguar edhe PSD-ja. Kryetari i kësaj partie Dardan Molliqaj, ka deklaruar se byroja do të jetë instrument i sofistikuar politik i kryeministrit Albin Kurti. “Nuk ka ndryshuar kontrolli absolut mbi përzgjedhjen e organeve drejtuese e mbikëqyrëse të Byrosë. Drejtori i Byrosë do të zgjidhet nga një shumicë e thjeshtë në Kuvendin e Kosovës. Gjithashtu, nga 5 anëtarët e Komisionit mbikëqyrës të këtij institucioni, 4 janë nën kontrollin politik të qeverisë duke pamundësuar një mbikëqyrje të pavarur. Zëvendësi i Avokatit të Popullit dhe drejtori i Agjencisë për Parandalimin e Korrupsionit, dhe Auditori i Përgjithshëm zgjedhën me shumicë të votave në Kuvend, përderisa drejtori i Njësisë së Inteligjencës Financiare zgjidhet nga Qeveria”, është thënë në reagimin e PSD-së. Më tutje, PSD-ja ka theksuar se LDK-ja i është përgjigjur me duar lart gjyqeve publike e gjuetisë së shtrigave. “Asnjë vend evropian nuk e ka një mekanizëm të tillë. Nevoja për ta dëshmuar pafajësinë përpara këtij pushteti nënkupton pranimin e tij si instancë etike. Pikërisht kur skandali Martin Berishaj po bën kërdinë, disponimi antikorrupsion i tyre shkoi në Vetëvendosje. Inferioriteti në LDK po e çon atë të pushteti, ende pa marrë pushtet”, është thënë në reagimin e PSD-së.
