Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ambasadori amerikan, në Prishtinë, Greg Delawie , është shprehur i zhgënjyer lidhur me hedhjen e gazit lotsjellës në Kuvendin e Kosovës, në Komisionin për Punë të Jashtme, ku po diskutohej për Marrëveshjen për demarkacionin me Malin e Zi. Ai ka thënë se dhuna shkatërron demokracinë. “Javën e kaluar debati mbi demarkacionin ka qenë ajo se si do duhej të duket demokracia, ku njerëzit kanë folur dhe shprehur mendimet e jo të pajtohen me gjithsecilin. Demokracia nuk duket si gazi lotsjellës, dhuna e shkatërron demokracinë dhe është shkatërrim i asaj që populli i Kosovës punon dhe synon”,ka deklaruar Delawie. Ai po ashtu ka përmendur gjetjen e mjeti shpërthyes në shtëpinë e Murat Mehës, duke thënë se frikësohet nëse Kosova e pranon dhunën si mjet politik për arritjen e qëllimeve. “Kemi parë këso storie në Ballkan shumë herë në dekadat e fundit dhe asnjëra nuk ka përfunduar mirë dhe nuk i ka sjellë asgjë të mirë vendit, e kjo duhet të ndërpritet”, ka deklaruar ai.
