Demonstruesit në Hamburg: Lufta mund të jetë edhe më e keqe, por kapitalizmi vret

Demonstruesit në Hamburg: Lufta mund të jetë edhe më e keqe, por kapitalizmi vret

Demonstruesit të cilët po protestojnë kundër Samitit G-20 kanë bërë shkatërrime të mëdha në Hamburg. Ata iu vunë flakën veturave dhe plaçkitën shitoret. “Unë jam këtu, pasi që konsideroj se G20 është arsyeja kryesore pse po na shkon keq në botë. Lufta mund të jetë edhe më e keqe, por kapitalizmi vret”, ka thënë për CNN njëri nga demonstruesit. Në rrjetet shoqërore janë plasuar shumë xhirime, në të cilat shihet se si demonstruesit thyejnë dhe plaçkitin shitoret. Janë djegur automobila, ndërsa dëshmitarët thonë se në qytet po mbretëron kaosi.  Deri më tash në përleshjet ndërmjet demonstruesve dhe policisë janë lënduar 213 policë dhe janë arrestuar 203 demonstrues. Zjarrfikësit kanë intervenuar mbi 200 herë në 24 orët e fundit, ndërsa ekipet e shpëtimit kanë intervenuar në 126 raste. Protestat anti-globaliste dhe antikapitaliste kanë marrë përmasa në shumë shtete të  Evropës dhe të botës.

Kontrolloni gjithashtu

Sekretari i Përgjithshëm i NATO-s, Mark Rutte, pritet ta vizitojë Kosovën më 11 mars

Sekretari i NATO-s, sfidon Moskën: “Ukraina vendos vetë për trupat në territorin e saj”

Sekretari i përgjithshëm i NATO-s, Mark Rutte, ka reaguar ashpër ndaj kundërshtimeve të Rusisë për …