Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputetja e Kuvendit të Kosovës nga radhët e Partisë Demokratike të Kosovës (PDK), e cila në legjislaturën e fundit të Kuvendit ka qenë edhe nënkryetare e parë e Komisionit për Buxhet dhe Financa, ka thënë se sërish ‘lufta’ politike është duke e ngulfatur ekonominë. Hadergjonaj ka shkruar në llogarinë e vet në “Facebook” se Qeveria duhet të formohet sa më shpejt, në mënyrë që të punohet seriozisht në zgjidhjen e problemeve të shumta me të cilat përballen qytetarët. “A duhet menduar më shumë për zhvillim ekonomik, për ulje të papunësisë, për rritjen e prodhimtarisë vendore, për ulje të disbalancit tregtar, për hapjen e perspektives për rininë, për politika të mirëfillta fiskale, apo të vazhdojmë me kacafytje politike, me stresin se a do ta votoj një deputet apo jo qeverinë. Qeveria duhet të formohet. Duhet që sa më shpejt të punojmë seriozisht në zgjidhjen e problemeve të shumta me të cilat përballet qytetari ynë”, ka thënë Hadergjonaj.