Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
As përpjekja e 53-të për konstituimin e Kuvendit të Kosovës nuk ka pasur sukses. Kryesuesi i seancës, Avni Dehari, e ndërpreu seancën pasi propozimi i përsëritur për votim të fshehtë për zgjedhjen e kryeparlamentarit nuk i mori votat e nevojshme. Gjatë seancës, përfaqësues të PDK-së, LDK-së dhe AAK-së tentuan të flisnin nga foltorja e Kuvendit kur u ftuan të propozonin emrat për anëtarë të komisionit për votim të fshehtë, por Dehari kërkoi ndërprerjen e fjalës së tyre duke insistuar që të jepeshin vetëm propozimet. Komisioni i propozuar nga Lëvizja Vetëvendosje mori vetëm 56 vota, duke dështuar të sigurojë shumicën e nevojshme për të vazhduar me procedurat. Tentimi i radhës për konstituimin e Kuvendit do të zhvillohet sonte në ora 22:00. Sot përfundon afati 30-ditor i dhënë nga Gjykata Kushtetuese dhe nga nesër e deri më 8 gusht, deputetët nuk mund të ushtrojnë detyrën e tyre.
